بلاغ للنائب العام والجهات المعنيه ، ومديرية أمن كفرالشيخ ؟؟!

بلاغ للنائب العام والجهات المعنيه ، ومديرية أمن كفرالشيخ ؟؟!

التسول واستغلال الاطفال ؟؟ ان السكوت على استغلال الاطفال فى التسول يشجع على الخطف والاتجار بالبشر وتجارة الاعضاء 

هذا طفل متسول فى مدينة كفر الشيخ منذ شهر ٧ - ٢٠٢٤ غالبا مخطوف أو مفقود ويتم استغلاله ابن

الاجهزه المعنيه بحمايه الطفل واين الشرطه ؟؟! واين إدارة المفقودين بوزارة الداخليه ؟؟! نتمنى أن يكون قد تم التعامل مع تلك الماساه وتوضيح ملابساتها

حيث أن المنشور الخاص بذلك الطفل منشور منذ أكثر من ثمانية أشهر على صفحات الفيس ؟؟!

النهارده وانا في حلواني بندق في كفر الشيخ اللي عند بنك إسكندرية جالي الطفل ده وقالي ممكن جنيه يا عمو قلتله ماشي ولسه بديله جنيه قالي لا خليهم ٢ جنيه ولا اقولك خليهم ٥ جنيه بطريقه طفل عمره ما تسول في حياته كأنه اول مره يعمل كده وشكله ابن ناس جدا ولبسه ولهجته المهم قعدت اتكلم معاه قولتله فين بابا وماما قالي ماتو قلتله وانت عايش مع مين قالي واحد لقاني في الشارع خدني وشغال معاه عند الاشاره وبناخد فلوس من العربيات قلتله مين اللي قالك ان بابا وماما ماتو قالي معرفش قلتله بابا اسمه ايه قالي احمد قلتله وانت ساكن فين مع الراجل ده قالي ورا بندق كده وشاورلي عند صيديله العبد ومقله المشربيه الشاهد ان الطفل ده انا حسيت ان ابوه وأمه عايششين وممكن يكون تايه او اي شئ اخر فصورته اهم شئ اللي يتعرف عليه او يعرف يساعده ويوصله لأي حد من اهله هو بيكون في منطقه بندق وبنك اسكندريه والشارع ده

منقول

اقرأ بقية الخبر ...

مسلسلات ام مدارس للبلطجه والترويج للجريمه والموبقات ؟؟

 

مسلسلات ام مدارس للبلطجه والترويج للجريمه والرذيله والموبقات ؟؟

لا يجوز شرعا لزوجة الابن زواج الاب حتى لو زواجها من الابن زواج فاسد , لكن المسلسلات سمك لبن تمر هندى , للاسف هذا المخرج واترابه متخصصين فى مسلسلات الترسو والاكشن زى افلام فريد شوقى زمان الفرق ان ملك الترسو كان عنده قصه ومضمون ايجابى وتوابل وغيرها حتى وان كانت القصه ساذجه والحبكه ضعيفه مش مدرسه لتعليم الاجرام وتخريج السوابق كما نرى فى تلك النوعيه من المسلسلات حاليا التى يفترض ان تخاطب البسطاء لكنها للاسف تخاطب اسوأ ما فى النفس البشريه حاليا والاسم دراما ومبررات دراميه واكشن وواقعيه والحقيقه انها اوقعت المجتمع فى الهاويه ووصلت بعقول البعض الى الحضيض حتى صارت الدراما تسبق الواقع وتقود ملايين المغيبين الى البلطجه والمخدرات والاجرام وحتى الرزيله بل ومختلف انواع الجرائم , باعتبارها اضمن وسيله للانتقام والتغلب على الازمات و تحقيق الثروه وحياه الترف ؟؟ عشرات الحلقات تلقن مفاهيم وقيم واخلاقيات وممارسات اقل ما توصف به بانها اجراميه وتخاطب اسوأ ما فى النفس البشريه بل وتصل الى حد التحريض ثم فى الحلقه الاخيره يعلق لافته الجريمه لا تفيد للهروب من المساءله والرقابه ؟؟ بينما طوال عشرات الحلقات كورسات كامله فى التخطيط الاجرامى واساليب البلطجه واستخدام الاسلحه وصنع عشرات المبررات للجريمه وصغار السن والمراهقين يقلدون ما يرونه على الشاشات على مدار الساعه احذروا على عقول ابناءكم مما يبث فى تلك الاعمال من افكار ومفاهيم وقيم بطرق واساليب غير مباشره ؟؟ لك الله يا مصر

 

اقرأ بقية الخبر ...